زوجان يثيران تفاعل التونسيين :”عام كامل نباتو في الشارع.. بنتي عمرها 3 شهور نغطيها بمريولي ونرقد في خلعة”
أثارت حلقة البارحة من برنامج “صفي قلبك” على قناة الحوار التونسي تفاعل وتأثر التونسيين على صفحات مواقع التواصل الاجتماعي، حيث ظهر في الحلقة شاب تونسي يدعى “مستاري” تحدث بألم عن الظروف الصعبة التي يمرّ بها رفقة زوجته وابنته الرضيعة ذات
ال 3 أشهر.
وأكد “مسطاري” أنه يعيش في الشارع هو وزوجته منذ أكثر من سنة، ثم انزادت له رضيعة وانضمت للعائلة
التي دون مأوى. وقال بتأثر : كي جات الصحفية لقات البيبرون متاع بنتي مكسرة .. نشربها الحليب بالباي.. ملي عمرها شهرين تشرب في حليب الباكوات الله غالب حد ما حب يخدمني خاطر معدي حبس قبل.. في الليل نحي مريولي نغطيها بيه ونبات في خلعة.. أمنيتي نرقدو كيما الناس”.
وقالت زوجته باكية :عام كامل نباتو في الشارع.. أنا نحبو ياخو فرصته في الدنيا علاش كل واحد يغلط يمشي في الساقين”.
ودعى التونسيون عبر صفحات مواقع التواصل الاجتماعي الى مساعدة هذه العائلة وخاصة الرضيعة
معلقين :”
هذا خونا مسطاري ولد جرزونة يعيش هوا ومرتو في الشارع بيناتهم ملائكة بنت 3 شهور
مرة يباتو تحت القنطرة في الجردة في تونس العاصمة … مسطاري عندو سوابق عدلية حرمتو من أنو يخدم واعترف قدام الناس بالي تاب عليه ربي ويحب يخدم على مرتو وبنتو.. التونسي للتونسي رحمة (على إسم بنتهم )
في ال 24 ساعة لازم نسكنوهم ونخدموهم و الطفلة الصغيرة نتلها و بيها من جميع ما … أحنا توا في العواشر يلي في قلوبكم رحمة يلي تحبو على الخير قصة مسطاري وزوجتو وبنتو لازم تخلط لفوق”.
