الرئيسية / فنون / بندرمان:”تونس لازمها تتصالح مع تاريخها الاظلم”

بندرمان:”تونس لازمها تتصالح مع تاريخها الاظلم”

قال بندرمان ان صندوق الكرامة ليس للاسلاميين فقط وهناك الالاف من اليساريين الذين عذبوا واغتصبوا ودون مايلي:”صندوق الكرامة ماهوش متاع الاسلاميين، الّي ما تعرفوش النّاس الّي الآلاف من اليساريين تعذّبوا،اغتصبوا، قلّعولهم ضوافرهم، باتو عرايا في الحبوسات.

الضرر الّي تخلّي ما تنحّيهوش فلوس العالم.

بش نحكي حاجة عمري ما قلتها، اما انا ما نمشيش في الظلام، ما نقرب لحتّى حيط نقوم الف مرّة في اللّيل كلّ ما نسمع حسّ.

الخوف تربّينا بيه، تربّينا كلّ ليلة في مخاخنا بش يزدموا كي العادة يكسّروا ويهزّوا الاوراق، يزدموا على مرا وثلاثة صغار في الدّار.

تربّينا على التليفونات المراقبة.، التطريد مالخدم، التجويع ، الضّرب.

نعرف مرا تعرّضت للاغتصاب في المركز ولتووّة لا نجمت تحكي، كل ما طالبتو احاطة نفسية خاطر ما تنجمش تقول لراجلها، نعرف شكون هبل، شكون لتوّة حزين على نمّالة قتلوهالو في الحبس.

نعرف محمد الكيلاني لتوّة يعاني من مخلّفات الكرتوش في ساقيه.

اكثريّة الديموقراطيين كي عمّروا دوسيّات هيأة الحقيقة والكرامة عمّروا لا في خانة التعوييض المالي.

مستحيل نرا روحي والّا واحد من عايلتي ياخو فرنك تعويض.”

سهام بن سدرين برشة دول مانحة وعدوها بش يموّلوا اعادة ادماج الضحايا في المجتمع.

اما هيّا النهضة والنّاس الكلّ يلعبوا بالموضوع كورقة ضغط.

تونس ما عندهاش فلوس بش ترجّعها للضحايا، اما تونس يلزمها تتسامح مع تاريخها الاظلم، احنا سامحنا اما شويّة احترام للنّاس موش خايب زادة، ماكنش راهي قنبلة بشش تفرڤع كيما جنوب افريقيا توّة”

عن attounisia

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

اعلامية مثيرة للجدل تطلب الطلاق بسبب اغاني شيرين عبد الوهاب

أكدت الاعلامية المثيرة للجدل رضوى الشربيني ،انها اتخذت قرار طلاقها المفاجئ من ...