الدلاجي : الفنان الي حطلي السم في العصير قاعد يخلص و نتفرج فيه التلافز..ثما ربي

و قال الدلاجي خلال إستضافته في برنامج “الدوامة” على إذاعة “إي أف أم” ، “تعرضت لحالة مجهولة ، صار فيبرو ، خرجنا ترسبات عصير من معدتي التو ما نعرفش شنوا تحطلي في العصير”.
و تابع الدلاجي ” الي كان سبب في تقطع أحبالي الصوتية فنان هاني قاعد نتفرج فيه فاش قاعد يعاني ثما ربي ، إلي عملو قاعد يخلص فيه ركزوا في التلافز تو تعرفوه” قبل أن يضيف قوله ” كان أنا صارتلي حاجة راهو أمي و باب متشردين يطلبوا في الفلوس ، قعدت 3 سنين “بكوش” ما نتكلمش ربي خزر لعائلتي حبالي الصوتية إطرشقت”.
من جهة أخرى رفض الدلاجي التعليق على أزمة الفنان المنصف عبلة الذي أعلن مؤخرا عن إصابته بـ”سرطان البروستات” و الظروف المادية التي يعاني منها قائلا “ما ريتوش ، قلبي ما راهش ، عينيا ماراتش ، السبت هذا تو تعرفوا الحقيقة الكل في إحدى القنوات التلفزية التونسية الخاصة ” مؤكدا ان دموع المنصف عبلة صادقة لكن ليس على هذا المشكل”.
و رفض الدلاجي تقديم المزيد من التوضيحات مشددا على معرفته الحقيقة و داعيا التونسيين للإنتظار لغاية يوم السبت المقبل لمعرفة الحقيقة التي سيكشف عنها فيما يتعلق بأزمة المنصف عبلة”.