ذاكر لهيذب يبشّر: الوباء بدأ ينحسر..والغيث النافع جاء..

نشر الدكتور ذاكر لهيذب الطبيب المختص في أمراض الشرايين تدوينة على حسابه في موقع فايسبوك انتقد فيها بعض الأصوات التي تصرّ على نشر التشاؤم، وكتب لهيذب يقول:
فما أنواع من البشر يعدي حياتو يشكي من الواقع وينشر في الخوف متاعو وأفكاره السلبية على عائلته وعلى أصحابه وعلى المواقع الاجتماعية . في هاو البلاد باش تفلس، هاو باش يزدم علينا الإرهاب، هاو باش يبراكيونا في ديارنا، هاو ماعادش مطر وجفاف وباش نموتوا بالعطش، هاو حتى ولو تمنعوا من الكوفيد 19 باش يسخطكم الكوفيد 21 … علاش الواحد يعدي حياتو خايف ويغوث على حاجة نسبة الاحتمال انها تقع له هي 1%.
باهي الحمد لله هاهو الغيث النافع صب تقريبا على أغلب مناطق الجمهورية والوباء بدأ ينحسر آش نعملوا…