علاء الشابي يرد على منتقديه : “أنا أوّل المدافعين على وزارة الصحة..والصحفية غلطت وكلنا نغلطو”

رد علاء الشابي على الانتقادات التي طالته اثر برنامج “لكلنا تونس” الذي قدّمه مساء أمس على قناة “التاسعة” وفيما يلي نص التدوينة:
“اللّي ماشي في بالو من خلال برنامجي “كلنا تونس” إنّي ضدّ وزارة الصحة والسيد عبد اللطيف المكي غالط في حساباتو، سي عبد اللطيف استدعيتو واعتذر خاطر عندو اجتماع وقررت وزارة الصحة تعويضو بالدكتورة ريم اللّي تقال اليوم في البرنامج تقال في البرامج و التلافز الكل . امّلا شنيا المختلف و اللي عمل ضجة في برنامج الليلة؟؟
1 اللي يقولو علاء مش متاع مباشر ومتاع عندي ما نقلك متقلقنيش خاطر في رصيدي آلاف الساعات ومازلت نتعلم
2 أنا أوّل المدافعين على وزارة الصحة رغم قلة الإمكانيات وعلى المجهود الكبير اللي يعمل فيه سي عبد اللطيف المكي أما دوري كصحفي نخلي ضيوفي يعبروا بكل حرية
3 تناولت زوايا في موضوع كورونا متناولها حد
4 صحيح الصحفية غلطت والكلنا نغلطوا
5 شبيه البرامج اللي تناولوا موضوع كورونا ما تكلم عليهم حد و معملوش ضجة زعمة خاطرني مش متاع مباشر وإلا حدي حد عندي ما نقلك ؟ نختم بالقول اليوم البرنامج لاهو ضد فلان ولا فلتان وراني منفهمش في السياسة والبرنامج ماهوش سياسي اصلا شكر خاص لوزارة الصحة اللي تعاونت معانا ووزارة الداخلية والنيابة العمومية وكان اليوم لبلاد واقفة علي ساقيها علي خاطر خدموا خدمتهم والاعلام خدم خدمتو ربي يحمي تونس ويحفظنا.”