سوسن معالج:”ياخي البوعزيزي غلى عليكم الفلفل والطماطم وقطع الحليب والزبدة”

ردت الممثلة سوسن معالج على كل من هاجم محمد البوعزيزي وكتبت في تدوينة على صفحتها الرسمية فايس بوك:”بالله فسّرولي : ياخي البوعزيزي انتخب النهضة والنداء و الهاشمي الحامدي و الزقزوقي و أحزاب الكاكاويّة و قطاع الطرق ؟ ياخي هو طالب بدستور جديد للبلاد؟ هو جابلكم الإرهاب و الذبح و التفجيرات؟ هو اعتصم و قصّ الكياسات؟ ولاّ هو صحّح في اتفاقيّات الGAT ؟ ياخي هو البوعزيزي ردّها ثورة سياسية/حزبيّة/ مافيوزيّة بامتياز و غلّى عليكم الفلفل والطماطم وقطع عليكم الحليب والزبدة؟؟ علاش تسبّو فيه على اختيارات غالطة انتوما عملتوهم، بعد ما تحرق ومات بأشهره و أعوام؟؟ ملاّ جُبن فيكم! غريبة…

الثورة ما هيش ملكك وماهيش ملكي اليوم، كانت متاعك أما اليوم ، شgت الخلاء ، ماهي متاع حدّ ، الثورة خرجت للشارع والأحياء، مالملاعب و المعاهد و الأسواق والجامعات، مالقلوب المعبّية ع الظّلم والفساد، اليوم عمرها 8 سنين الثورة، و الظلم و الفساد زادو فرعنو؟ آش نعملو؟؟ نسبّو الموتى؟؟؟ ياخويا قلقتكم الثورة في الرفاهية المثلى والعيش السعيد تحت ليلى و بن علي أحسبوها ما صارتش! ولا تعرفش كيفاش، احسبوها بنيّة صغيرة يتيمة مشرّدة تطلب في الfeu rogue بعد ما اغتصبوها كبار الحومة.

انزلو ع الفلس ! طلّعو بلاّر كراهبهم و أعملو رواحكم ما ريتوهاش باش ما يتغشّشوش عليكم كبار الحومة ! و زيدو سبّو البوعزيزي و ابكيو على بن علي… زيدو!