محرز الغنوشي يحذر:”بالمختصر المفيد لم ينته كل شيء”

اكد محرز الغنوشي ان البلاد ستشهد نهاية الأسبوع عودة التقلبات واضاف في تدوينة على صفحته الرسمية على الفايس بوك:”
السلام عليكم..
في اطار الاستباق وباش نقراو حسابنا من توا..
قد نعيشو ترتيحة نسبيا الخميس مع عودة بعض الزخات ليلا وخلال الجمعة واللي باش تكون دون خطر بحول الله ومتفرقة في شكل محاور وتداول بين فترات صحو وفترات ممطرة..
أما اللي بيه الفايدة في الويكاند..
نهاية الأسبوع سبت واحد فيها مؤشرات امطار رعدية غزيرة أحياناً بالشمال والوسط ومحليا الجنوب مع امكانية تساقط البرد وفرضية تشكل السيول وحمل الاودية قد تطرح من جديد..
بالمختصر المفيد لم ينته كل شيء..
ترتيحة ناخذو فيها نفس شوية نهار غدوة وبعض ساعات من الجمعة في عدد من الولايات والويكاند rebelote..
متابعتُنا مستمرة وتحييناتنا ايضا متواصلة..