الممثلة منال عبد القوي تنشر صورة من المستشفى وتكتب تدوينة مؤثرة جدا

نشرت الممثلة التونسية منال عبد القوي صورة قديمة لها في المستشفى عندما تعرّضت إلى وعكة صحية منذ أشهر وأجرت عملية جراحية. وأرفقت الصورة بتدوينة مؤثرة جدا دعت من خلالها إلى الكفّ عن التنمّر ومهاجمة الآخرين بكلمات جارحة وهم لا يدركون ما مرّوا به من ألم وأزمات وهذا ما جاء في التدوينة :
التصويرة هذي ….. عمري ما كنت نتصوّر انّي نهبّطها نهار… مش خوف مش مستعارة… اما نتفكّر الحديث” ولا تحدّثوا أبوجاعكم”… وما نيش نستعطف في شفقة ولاّ نحبّ نسخّف… ابدا… ماهيش منال إلي تعمل هكّة… هبّطت التصويرة هذي الّي هي كانت نهار أوّل عمليّة عملتها…. بش أي حدّ يجي يكتب كومنتار مسمام… يذبح….يجرح….يكوي….يشوي… يخمّم ألف مرّة قبل ما يكتب وينفث سمومه…. التنمّر… وجيعة الناس… جرحهم من ورا كلافييه حاجة مخطرة وخايبة برشة…. عبد يجي يكتب:اخيت ماخيب منظرك تفجع شبيك عملت في روحك هكة؟ كثرت بالبوطوكس… يزي مالتجميل… قلبت سليخة ربي…..
تنجموا تتخيلو حجم الألم إلي يحسه عبد تعدّا بامتحانات ربانية صعيبه ياسر…. عبد وقت إلي الشخص إلي يجي يشويه بكلمتين بكل بساطة من ورا كلافييه…وقت هو يتصوّر وشايخ وعايش حياتو الشخص الآخر المتنمّر عليه يحارب بش ما يموتش…. يصارع بش يقعد حيّ…..
خلاصة الأمر: قبل ما تكتب اي حاجة حتى بش تعطي رايك… خمّم مليح في شنوّة ينجّم يعمل كلامك تأثير على العبد الآخر…
#الكلمة الطيبة صدقة…