طبيب تونسي:نحن مقبلون على وباء سيشهد ذروته خلال ايام وتونس تستخف بالوضع

نشر الدكتور حاتم الغزال،وهي طبيب تونسي يعمل حاليا بالمملكة العربية السعودية وعمل سابقا في المستشفى الجهوي بسوسة ،تحذيرا للتونسيين والسلطات جاء فيه “
ما نحبش نكسرلكم ريوسكم و لا نعمللكم اكتئاب اما الحقيقة يلزمها تتقال …
التطمينات من نوع مسيطرين على الوضع و واخذين الاحتياطات اللازمة الكلها كلام فارغ.
الوضع في اوروبا يؤكد الي احنا داخلين على وباء باش يشمل تونس في الجمعتين الجايين و يبلغ الذروه متاعو في اول افريل.
باش ننجحو في تجاوز الوباء باقل الاضرار يلزم من اليوم تحضير الناس نفسيا لقبول التعليمات الصارمة الي باش تتخذها السلطات و يلزم تحضير الجيش و الشرطة باش كي يجي أمر باغلاق منطقة موبوءة يعرفو اش يعملو و يلزم تحضير لوجستي باش المناطق المغلقة ما يتقطعش فيها الغذاء و الدواء و خاصة يلزم نحضرو أنفسنا في المستشفيات باش نأخروا مواعيد المرضى العاديين و نأجلوا العمليات الي يمكن تاجيلها و نفرغوا اقصى ما يمكن من الأسرة في الإنعاش خاطر باش نستحقوهم على قريب.
في تونس الهدف يلزم يكون بعد تفشي المرض : اقل من 2000 حالة مرضية في نفس الوقت في كامل الجمهورية باش انجموا انوفرو الرعاية الصحية اللازمة في المستشفيات لل200 شخص الي باش يكونوا في حالة حرجة.