الفنانة شهرزاد هلال : 8 شهور وأنا نجري ووزارة الثقافة ما تحبش تخلصني في فلوسي

كتبت الفنانة شهرزاد هلال تدوينة أكدت من خلالها مماطلة وزارة الشؤون الثقافية في خلاصها وأضاف:”
جينا مسافرين لحفلة في الخارج مدعمة من وزارة الشؤون الثقافية في بالنا كل شيء «مريقل» جينا نسجلوا أنا و فرقتي قالولنا التذاكر محجوزين ومش خالصين، الحفلة غدوة واسم تونس في الميزان كلمناهم في وقتها قالولنا اتصرفوا ما عندنا ما نعملولكم خلصنا التذاكر على حسابنا سافرنا وعملنا حفلة ناجحة وشرفنا بلادنا.
وإلى حد الآن من 8 أشهر واحنا انطالبو في الوزارة باسترجاع ثمن التذاكر وكل واحد يبعثنا للآخر ولا حياة لمن تنادي والعرض بكله في قالب بعضو ما ربحنا منه كان لحظة العناق الجميل مع جمهور روعة، باهي التعنيق والشكر والمديح وسمعة تونس أهم من كل شيء أما ساعات نسأل روحي زعمة يراو بيه أنك ضحيت وكنت في المستوى وصرفت من مالك الخاص وحافظت على سمعة بلادك قدام الأجانب؟؟؟
أكيد لا و ألف لا خاطر ما يتظلم كان ولد الأصل اللي ضميرو صاحي ويرضاها في روحو وما يبيعش بلاده