الوطنية

فقدت صديقتها في فاجعة عمدون : أميمة ناجية من الحادث تنشر رسالة مؤثرة وتروي اللحظات الأخيرة

نشرت الشابة أميمة وهي إحدى الناجيات من كارثة عمدون ، رسالة رثاء مؤثرة بعد فقدانها صديقتها في حادث انقلاب الحافلة الذي جدّ يوم الأحد غرة ديسمبر 2019 .

وجاء في الرسالة المؤثرة لأميمة ما يلي :

” في صبحيّة كرّت عليا للات البيّة باش نخرج معاها في رحلة نبدلو بيها الروتين و نخرجو من الجوجمة و الجو الرزين ، قمت فوق من قلبي ما كنتش حابّة أما عطيت كلمتي لصحابي و لازمني نكون حاضرة ، حضرت الساك و الماكلة و شديت الثنيّة و عرضتني للاّ البيّة تحمل و تبوس فيّا .. “

-وينك يا فرخة ها الغيبة “

“-يا أختي الدنيا عاكسة و ولاّت صعيبة”

نهرّو نهرّو لين وصلنا للبلاصة طلعنا في الكار و ركبنا من قدام خاطر خواطري فيسع ما تدور و تولي ردان ،

حملتني و تكات عليا  قلتها شنوّة بديناها من أوّل الثنية ؟

قتلي راني مصبحة و ماجانيش النوم قلتها خوذ راحتك المفيد بعد قوم نسمع في صياح و تكبير يا أختي شنوة إلي قاعد يصير ؟

بعد نشوف كان في الكار تطير غمظت عيني و شهدت و قلت الي باش يصير خلي يصير

فقت بعد مدة نشوف في برشا عباد و نلوج عليك بعينيا أكيد هي مازالت معايا حيّة وينك طلّ عليا راو الثنية مازالت طويلة وينك ؟ موش كنت قاعدة حذايا هاك مافماش ؟ و صوتك ما علاش زعما دايخة موش تسمع فيا ؟ راو الدنيا ظلامت في عينيا و مانيش قاعدة نرى نسمع في عباد يبكيو و مرى كبيرة تواسي فيا ..وينك جاوبني نعرفك قويّة ..

نعرف الي شيء ما يهدنا كان ربي و رضاية الوالدين ، قعدت نستنى فيك باش تقلي انتي وين لين جاني خبرك و قالولي راو ماتت تمنيت انا نهبطك في قبرك و ندفنك انا و خواتك ..

أنا ليوم في عمري جمعة و نهار اما باش نعيشهم معاك حتى و انتي ميتة . إنشاء الله مثواك الجنة

الوسوم

مقالات ذات صلة

اترك رد

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock