كابو ألتراس تونسي : نحن ضد العنصر النسائي بمجموعاتنا و”الموفما” خرجت من تونس للمغرب العربي الكبير
أجرى الحوار:أيمن قريسة
تمكن موقع التونسية نات من محاورة عضو ألتراس بمجموعة تعتبر من أقدم مجموعات الألتراس بتونس وبعد عناء شديد تمكن الموقع من اخذ حصريات ومعلومات قيمة عن عقلية الألتراس ودخلنا هذا العالم الذي يعتبر للعديد غامضا ومخطرا ولكننا تأكدنا من انه عالم شيق وبعد محاورتنا لعضو الألتراس الذي طلب منا رسميا عدم ذكر إسمه وإخفاء هويته ووجهه تطبيقا لعقلية الألتراس فلذا نقدم لكم الحوار كاملا بدون صنصرة أو تحريف :
*رأيك في عقلية الألتراس في تونس ؟
ـ الالتراس في تونس فما مجموعات تطبق فاها وخلينا نقول تحاول تطبقها صحيحة وفما مجموعات اخرى بعيدة كل البعد على مبادئ وقوانين الالتراس
*راجت أخبار ان الألتراس خرج من تونس للمغرب العربي الكبير فهل هذا صحيح ؟
ـ صحيح التوانسة اول من دخل الالتراس للعالم العربي وشمال افريقيا ومن تونس انتشرت ” الموفما” فالمغرب العربي
*هل الألتراس كعقلية يؤكد على محاربة اعضاء مجموعة مع مجموعة اخرى من نفس الفريق ؟
ـ الالتراس فايت بين مجموعات تشجع نفس الفريق هو مش شرط فالالتراس لكن حاجة موجودة فالعالم الكل مهاش ضاهرة خاصة بالمجموعات التونسية حتى الاخوة في دار وحدة يتعاركو..بالرغم انا شخصيا نتجنب العرك هذا بين المجوعات الأشقاء معانا فالكورفا لأنو مصلحة نادينا الي نتنافسو على تشجيعو تنجم تتضر وهاذي حاجة مانحبوهاش
*هل مشكلتكم الأساسية هي العلاقة مع البوليس ؟
ـ مشكلتنا الاساسية هي حرية حقيقية مسؤولة مشكلتنا نحبو امن جمهوري في تعاملو معانا ومع غرامنا بصفة خاصة وبكل مكونات المجتمع بصفة اعم وفرد الالتراس هو مواطن بالأساس وتأثر فيه وفي تصرفاتو ومواقفو التاثيرات الإجتماعية والإتقتصادية وخاصة التضييقات الكبيرة فالحريات
*ماالذي يفرق مجموعة التراس عن مجموعة اخرى حسب رأيك ؟
ـ فرق بين مجموعة تلتزم بمبادئ الالتراس وبين مجموعة لا..مجموعة ماعلابالها بسي فلان ومجموعة تسبح بحمد سي فلان
*هل لديكم مشكلة شخصية مع الاعلام ام أن عقلية الالتراس تفرض عليكم عدم التعامل معهم بوجوه علنية ؟
ـ الالتراس ثقافة واسلوب حياة يقوم على المقاومة وافتكاك الحق فالحرية والتشجيع المستمر للنادي فالخسارة قبل طبعا
هي انصهار الفرد لصالح المجموعة ومبادئ ” فكر” الالتراس..الالتراس ليست للشهرة او لكسب المال والتحول لوجه اعلامي مشهور
*هل لعقلية الألتراس علاقة بالسياسة في تونس او العالم ؟
ـ بكل موضوعية فالكورفا الي تنتميلها المجموعة الي ننشط فاها معناش ” ڨروب” تخدم في اجندات سياسية لكن طبعا كيف ما سبقت وقتلك فرد الالتراس هو انسان ومواطن قبل كل شيئ وكل فرد عندو ميولاتو الإيديولوجية والسياسية الي تمثل قناعتو لكن تبقى مجرد قناعات شخصية تغيب فالمجموعة..فالعالم فما مجموعات تعلن بصفة علنية توجهاتها الفكرية والسياسة وهذا طبيعي في ديمقراطيات عريقة
*ماذا تريدون بالظبط من السلط والدولة كأعضاء كجموعة تطبق الألتراس في تونس ؟
ـ نطالبو الدولة انها تحترم نفسها وتضهر حق خونا عمر العبيدي رحمه الله وماناش ناسين..المسائل الاخرى منطلبوهاش بل تتفك بالنضال مثل الحرية
*هل العنصر النسائي حاضر في ألتراس تونس وهل انت مع أو ضد ؟
ultras no girl..إذن ضد طبعا
*ماهو فريقك ؟
ـ النادي الإفريقي العظيم
*كلمة اخيرة كعضو ألتراس
ـ كورفا نورد تجمعنا الكل…قوتنا في لمتنا..الإفريقي تعيش بينا ولينا
