كتب والد الممثلة التونسية هند صبري تدوينة على صفحته الرسمية على الفايس بوك كشف من خلالها عن ما اسماه بالفساد الذي ينخر الشركة التونسية للملاحة واليكم ما جاء في التدوينة:”
آنتصبت كمحامي في مدينة مرسيليا منذ عشر سنوات….حتى سنة 2011 ، لم يحدث أن نبت مواطنا تونسيا من ( آلداخل)…..بعد آلثورة آلمباركة ، لا تخلو جلسة واحدة من دائرة آلتقديم آلحيني من زوز-ثلاثة فرارات ، و سجن ” آلبومات ” آلشهير ولى يعبي و يفرغ …..90% من هؤلاء آلإخوة عمال و موضفون على بواخر آلشركة آلتونسية للملاحة ، و آلتهمة هي ذاتها ، توريد كميات مهولة من آلدخان..
في 2014 ، نبت على أحدهم ، يشتغل نادلا في حانة آلباخرة ” آلتانيت “…..- كيفاش باش تخلصني ولدي ؟….أعطاني نومرو أختو في تونس….قاتلي فلوسك حاضرين ، أبعث أي واحد يجي ياخذهم ….وين بنتي ؟….يسأل على سي فلان آلفولاني ، في وزارة آلنقل….طلع آلسيد مدير أد آلدنيا في آلنقل آلبحري ، وخلصني بآلأوروطبعا…..من قجر بيروه….
آلسيد تحكم بثلاثة شهر سجن ، آلقانون آلتونسي يقول آللي يتحاكم بشهرين فأكثر يطرد من آلوضيفة ، مشيتلو للحبس باش نشوف معاه حل للورطة آلشغلية ، وهو متزوج وبو عايلة…..نلقاه في راحة من عقلو….ما تقلقش روحك أستاذ ، أختي بعثت شهادة طبية للشركة ، وجماعة آلنقابة وعدوها نرجع للخدمة…..بعد أيام ، كلمني واحد من آلنقابة و أكدلي آلكلام….- ماهوش باش يتعدى على مجلس آلتأديب ؟….- فاش قام أستاذ ؟ ….هو مريض……فبحيث ctn خاربة من راسها لمحرابها………هضاك هو
